Желідегі видеода мас күйінде көлік тізгіндеген әнші Төреғали ма – полиция түсінік берді

Әлеуметтік желі, сурет - Zakon.kz жаңалық 14.06.2023 18:26

Сурет: видеодан алынды

Әлеуметтік желіде танымал әнші Төреғали Төреәлінің мас күйінде рөлге отырып, полицияға ұсталғаны туралы видео тарады. Осы оқиғаға қатысты Алматы қалалық полиция департаменті түсінік берді, деп хабарлайды Zakon.kz.

14 маусымда Алматы қалалық ПД Майлин көшесінің бойында, солтүстік бағытта, жергілікті полиция қызметінің мамандандырылған батальонының экипажы 1992 жылы туған азамат А-ның басқаруындағы Lexus автокөлігін тоқтатқанын хабарлайды.

Полиция мәліметінше, жүргізушінің мінез-құлқы өрескел болып көрінген: ол агрессивті болды, полицияның заңды талаптарына бағынбады, тұрақта тұрған Chevrolet көлігіне зақым келтіріп, ұсталған орыннан қашып кетпек болды.

"Құқық бұзушының жолы бұғатталды. Патрульдік полиция қызметкерлері оны ұстап, медициналық тексеруге алып барды. Сараптама нәтижесінде азамат А-ның есірткіге мас екендігі белгілі болды. ҚР ӘҚбК-нің 608 бабы 3 бөлігі, ҚР ӘҚбК-нің 613 бабы 1 бөлігі, ҚР ӘҚбК-нің 599 бабы 1 бөлігі, ҚР ӘҚбК-нің 596 бабы 3 бөлігі, ҚР ӘҚбК-нің 600 бабы 1 бөлігі және ҚР ӘҚбК-нің 230 бабы 2 бөлігі бойынша хаттамалар толтырылды". Алматы қалалық ПД баспасөз қызметі

Көлік мамандандырылған айыппұл тұрағына қойылды. Өндіріс материалдары шешім шығару үшін сотқа жіберілетін болады.

Оқи отырыңыз