Қалдықтар арасынан еліміздің бірнеше туын тауып алған атыраулық: Бұл бізді басыну ма

Әлеуметтік желіде тұрмыстық қалдықтар арасында жатқан Қазақстан Республикасының бірнеше туының видеосы тарады, деп хабарлайды Zakon.kz.

Полиция аталған видеоның Атырау облысындағы Қарабатан кен орнындағы вахталық қалашықтың аумағында түсірілгенін нақтылады, деп хабарлайды "Мой город".

"Бұл - SICIM базасы. Біздің мемлекеттік рәміз №8 блоктың жанындағы тұрмыстық қалдықтардың арасында жатыр. Бұл бізді басынғаны ма? Бір шара қолданыңдар", - дейді видеоны түсіріп жүрген ер адам.

"Аталған факті бойынша ҚР ҚК-нің 372-бабы, яғни "ҚР Мемлекеттік рәміздерін қорлау" бойынша сотқа дейінгі тергеу шаралары жүргізілуде", - деп хабарлады Атырау облысы ПД баспасөз қызметі.

Тергеу мүддесі үшін өзге ақпарат жария етуге жатпайды.