Ұрлық, тонау, алаяқтық: Қазақстан аумағында 30-дан астам қылмыс жасаған күдікті ұсталды
Сурет: polisia.kz
Түркістан облысының полицейлері Қазақстан аумағында 30-дан астам қылмыс жасаған күдіктіні ұстады, деп хабарлайды Zakon.kz.
ҚР ІІМ мәліметінше, ол бірнеше рет сотты болған 31 жастағы ер адам.
"Жамбыл облысының тұрғыны қылмысты алдын ала жоспарлап, кез келген адамнан қоңырау шалу үшін телефондарын сұрап алып, содан кейін қашып кетіп отырған. Ол ұрлаған телефондарды ірі қалалардың базарларында сатып, ақшаны өз қажеттілігіне жұмсаған. Бүгінгі таңда полицейлер күдіктінің Түркістан облысында жасалған 10 алаяқтық қылмысы мен 1 автокөлік ұрлау фактісіне қатысы бар екенін дәлелдеді. Сонымен қатар ер адамға Қызылорда облысында ұрлық жасағаны үшін іздеу жарияланған", делінген полиция хабарламасында.
Сондай-ақ күдіктінің ҚР ҚК-нің 188 бабы (Ұрлық) және 190-бабы (Алаяқтық) бойынша Қазақстанның 3 мегаполисі мен 5 облысында жасалған 22 қылмысқа қатысы бары анықталды.
"Қазіргі уақытта күдікті қамауға алынды. Оның басқа осыған ұқсас ашылмаған қылмыстарға қатыстылығы анықтап жатыр. Сотқа дейінгі тергеу амалдары жүргізіліп, оқиғаның толық мән-жайы тексеріледі", делінген хабарламада.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
