Шымкентте кәсіпкерге кедергі келтірген әкімдік қызметкерлері жауапқа тартылды

Кәсіпкер, Антикор, Шымкент, әкімдік қызметкерлері, сурет - Zakon.kz жаңалық 20.11.2023 19:48

Сурет: pixabay

Шымкентте сыбайлас жемқорлыққа қарсы қызметтің араласуынан кейін кәсіпкердің құқығы қорғалып, оған негізсіз кедергі келтірген әкімдік қызметкерлері жауапқа тартылды, деп хабарлайды Zakon.kz.

Шымкент қаласы бойынша Сыбайлас жемқорлыққа қарсы қызметтің хабарлауынша, аталған ведомствоға аудан әкімдігінің лауазымды тұлғаларының заңсыз әрекеттеріне шағымданып жергілікті кәсіпкер жүгінген.

Шенеуніктер бірнеше ай бойы мемлекеттік сатып алу туралы шарттың орындалуын қамтамасыз етуді, сондай-ақ демпингке қарсы соманы қайтаруды негізсіз кешіктірген.

"Департаменттің араласуынан кейін жауапты мемлекеттік қызметшілерге қатысты қызметтік тексеру жүргізіліп, бұзушылықтар расталып, тиісті тұлғалар жазаланды. ЖШС шотына 11 млн теңге көлеміндегі шартты қамтамасыз ету сомасы қайтарылды", делінген хабарламада.

Оқи отырыңыз