Мұхамедиұлының ісі бойынша жеті айыпталушы өз кінәсін мойындамай отыр
Сурет: Zakon.kz
Астананың Қылмыстық істер жөніндегі ауданаралық сотында 8 қаңтарда прокурор Олжас Хайруллаев экс-Мәдениет және дау-министрі, Ұлттық музейдің бұрынғы директоры Арыстанбек Мұхамедиұлына қатысты айыптау қорытындысын жариялауды аяқтады. Хабарламадан кейін айыпталушылар тағылған айыпқа қатысты ұстанымын білдірді.
"Мен (айыппен – ред.) барлық эпизодтар бойынша мүлдем келіспеймін. Музей 2018-2019 жж байланысты да, Дипломатқа байланысты да келіспеймін. Айыптау қорытындысы бойынша прокурор келісімдерді атады, мені қол қойды деді. Бұл Малайзия, Түркия елдерімен жасалған келісімдер ("Алтын адам шеруі" көрмелерін өткізу үшін). Барлық жерде факсимиле бар, менің қолтаңбам жоқ. Үкімет қаулысына сай, факсимиле заңды негіз болмайды. Сонымен қатар біз бұл құжаттардың түпнұсқасын ешбір жолмен таба алмаймыз. Мені "бұйрыққа қол қойып, Кочетовты директордың міндетін атқарушы етіп тағайындады" деп айыптап отыр. Табиғатта мұндай бұйрық жоқ. Ал негізгі болып табылатын мұндай қателер (айыптауда – Ред.) барлық уақытта болады".Арыстанбек Мұхамедиұлы
"Алтын адамның шеруі" көрмесіне қатысты эпизодтағы басқа айыпталушылар - Алмаз Нұразхан, Абай Сатыбалдин, Леонид Кочетов, Азамат Көшенов және Айым Сәдуақасова, сонымен қатар Diplomat қонақ үйіндегі эпизод бойынша айыпталушы Гүлзат Жуаспаева өз кінәсін толық мойындамады.
8 қаңтарда Қылмыстық істер жөніндегі ауданаралық сотта Мұхамедиұлының ісі бойынша сот отырысы ауа райының қолайсыздығынан сотталушыларды тергеу изоляторынан дер кезінде жеткізу мүмкін болмағандықтан, 2,5 сағат кеш басталды.
Айыптау актісіне сай, сот екі эпизодты бір процеске біріктіргеннен кейін Арыстанбек Мұхамедиұлы "Алтын адамның шеруі" көрмесіне қатысты эпизод бойынша аса ірі көлемде ұрлық жасады және жауапты мемлекеттік қызметкер ретінде билігін асыра пайдаланды деп айыпталып отыр. Ал Дипломат қонақүйі туралы эпизодқа сай, ол рейдерлік және билікті асыра пайдаланды деп айыпталған.
Жаңа сот процесіндегі басты сот 29 желтоқсанда басталды. Бұған дейін, 2023 жылдың 20 маусымында сот экс-Мәдениет және спорт министрі және Ұлттық музейдің бұрынғы директоры Арыстанбек Мұхамедиұлын "Алтын адам шеруі" көрмесі кезінде ақша жымқырды және ұрлады деп сегіз жылға бас бостандығынан айырды.
14 қыркүйекте апелляциялық сот үкімді өзгеріссіз қалдырды.
28 қыркүйекте Мұхамедиұлына қатысты екінші сот процесі басталды, экс-министр Астанадағы "Дипломат" қонақүйін сатып алу кезінде рейдерлік және қиянат жасады деп айыпталған.
