Алматыда тағы бір заңсыз салынған нысан сүріліп жатыр

Заңсыз нысан, сүру, Алматы, сурет - Zakon.kz жаңалық 14.03.2024 17:39

Сурет: Алматы қалалық әкімдігі

Алматыда Қыдырбеков көшесі, 41 үй мекенжайында салынған кезекті заңсыз нысан сүріліп жатыр. Бұл туралы Zakon.kz сайтына 2024 жылы 14 наурызда қалалық әкімдіктің баспасөз қызметі хабарлады.

Қала құрылысын бақылау басқармасының мәліметінше, меншік иесі нысанды рұқсат құжаттарынсыз тұрғызған.

"2023 жылы 27 наурызда басқарма меншік иесіне қатысты әкімшілік шаралар қабылдап, жол берілген бұзушылықтарды жоюға нұсқау берді. Меншік иесі нұсқауды орындамағандықтан, өткен жылдың 25 маусымында Алматы қаласы Наурызбай аудандық сотына осы ғимаратты бұзу жөнінде талап-арыз берілді". Алматы қаласының Қала құрылысын бақылау басқармасының баспасөз қызметі

2023 жылдың 30 қазанында нысанды сүру туралы талап қанағаттандырылды.

"Сот шешімін орындау үшін бұрын меншік иесі нысанды өз бетімен бөлшектеуді бастаған болатын, бүгін (14 наурыз) сот орындаушыларының қатысуымен күрделі құрылымдар сүрілді", – дейді мамандар.

Бір күн бұрын, 2024 жылы 13 наурызда Алматыда "Мечта" тұрғын үй кешенін сүру жұмыстары басталғаны белгілі болды. Көптеген бұзушылықтармен салынған үй Обсерватория көшесінде орналасқан.

Оқи отырыңыз