Жаңаөзенде жалған ақпарат таратқан адам анықталып, жауапкершілікке тартылды

Жаңаөзен, жалған ақпарат, сурет - Zakon.kz жаңалық 07.04.2024 11:02

Сурет: gov.kz

Төтенше жағдайға байланысты жалған ақпарат таратқан жаңаөзендік азамат жауапкершілікке тартылды, деп хабарлайды Zakon.kz.

Ол әлеуметтік желіде "Жаңаөзенде жол жабылды" деп алаңдаушылық сипаттағы жалған ақпарат таратқан.

"Жаңаөзен полицейлері күдіктіні бірден анықтап, оны ҚР әкімшілік құқық бұзушылық туралы кодексінің 456-бабының 3-бөлігіне сай әкімшілік жауапкершілікке тартты. Қандай да бір жалған ақпарат таратқандар ҚР ҚК 274 бабы бойынша қылмыстық жауапкершілікке тартылатынын ескертеміз. Азаматтардан тек ресми ақпарат көздеріне сенуді сұраймыз", делінген жергілікті полиция хабарламасында.

Айта кетсек, 6 сәуірде әлеуметтік желіде Жаңаөзеннің су тасқынына дайындалып жатқаны туралы ақпарат тарап, Маңғыстау облысы Төтенше жағдайлар департаменті Мемлекеттік өрт бақылау басқармасының бас маманы Жайнат Әуесбаев мұны теріске шығарған.

Оқи отырыңыз