Ақмола облысында 20 млн теңге ұрлады деп күдікке ілінген ауыл әкімдігінің есепшісі сотталды
![Сот үкімі, Ақмола облысы, ақша ұрлау, ауылдық округ әкімдігінің есепшісі , сурет - Zakon.kz жаңалық 31.05.2024 19:57](https://kaz.zakon.kz/pbi/WEBP/2024-05-31/file-ac4a33d9-bcff-4a8a-8fdb-21975aca0b59/400x225.webp)
Сот оған мемлекеттік қызметте қызмет атқару құқығынан өмір бойына айыра отырып, 7 жылға бас бостандығынан айыру жазасын тағайындады, деп хабарлайды ведомство баспасөз қызметі.
2018 жылдың қаңтары мен 2023 жылдың қазан айы аралығында әкімдердің ЭЦҚ-сын пайдалана отырып, "С." штат кестесінде белгіленген мөлшерден асыра өзінің жалақысына жалған мәліметтер енгізді. Сот-экономикалық сараптаманың қорытындысына сәйкес, көрсетілген кезеңде сотталушы өзінің банктік шотына 20 млн теңгеден астам жалақы аударған.
Мемлекетке келтірілген залалды есепші қылмыстық істі тергеу сатысында толық көлемде өтеді.
Сонымен қатар, сот бақылаудың болмағаны үшін облыс және ауылдық округ әкімдерінің атына, сондай-ақ жол берілген бұзушылық пен тиісінше бақыламағаны үшін жауапты тұлғаларға қатысты шаралар қабылдау үшін Қазынашылық департаменті басшылығының атына жекеше қаулылар шығарды.
Үкім заңды күшіне енген жоқ.