Алаяқтықтың тағы бір жаңа түрі: ел азаматтары нені білгені жөн

Жақында мессенджерлерде жалған аккаунттар құру, прокуратура органдарының қызметкерлерінің, тіпті басшылығының атынан алаяқтық әрекеттер белгілері бар қоңыраулар мен хабарламалар жіберу жағдайлары жиілеп кетті. Осыған байланысты Бас прокуратура мәлімдеме жасады, деп хабарлайды Zakon.kz.

"Осыған байланысты Бас прокуратура ел азаматтарын бейтаныс аккаунттарға сенбеуге және күмәнді сілтемелер бойынша өтпеуге шақырады. Осындай қоңыраулар немесе хабарламалар алған кезде осы фактілер туралы құқық қорғау органдарына дереу хабарлауды сұраймыз".     Бас прокуратураның баспасөз қызметі

Бұған дейін Антикор да тура осындай мәлімдемемен ел азаматтарына жүгінген.