Қырғызстанға жанар-жағармайды заңсыз тасымалдаған алты жол талғамайтын көлік пен бір автобус ұсталды

Милиция, Қырғыз Республикасы, Ақжол өткізу бекеті, жанар-жағармай, заңсыз тасымал, автобус, сурет - Zakon.kz жаңалық 19.10.2024 17:42

Сурет: Қырғыз Республикасы ІІМ

"Ақжол" бақылау-өткізу пунктінде Қырғызстан тарапы жағында Қазақстаннан жанар-жағармай материалдарын тасыған алты жол талғамайтын көлік пен автобус ұсталды, деп хабарлайды Zakon.kz.

Қырғыз Республикасы Жол қозғалысы қауіпсіздігі Бас басқармасының техникалық бақылау бөлімі 2024 жылы 16-20 қазан аралығында республика аумағында өтіп жатқан "Қосымша жабдық" рейді шеңберінде қазақ-қырғыз шекарасындағы "Ақ-Жол" өткізу пункті арқылы өткен көлік құралдарына тексеру жүргізді.

"Рейд кезінде жанар-жағамай толтыратын қосымша резервуар орнатып алған алты Toyota Land Cruiser жол талғамайтын көлігі және бір жолаушылар автобусын анықталды", деп хабарлады ведомстводан.

Қосымша резервуарды заңсыз орнатқаны және көрші елден жанар-жағармайды заңсыз тасымалдағаны үшін оларға қатысты тергеп-тексеру шаралары тағайындалды. Жиналған барлық материал тергеу қызметіне жолданып, көліктер айыппұл тұрағына қойылды.

Оқи отырыңыз