Алматыда автобуста телефонмен саңқылдап сөйлескен әйелді ер адам ұрып жіберді
Сурет: unsplash
Алматыда автобустардың бірінде ер адам мен әйел жанжалдасып қалды. Оған әйел адамның телефонмен қатты сөйлесуі себеп. Сол үшін ер адам әйелді алдымен қоғамдық көліктен шығаруға тырысады, содан кейін оған қол жұмсайды. Полицейлер тексеріс жүргізіп жатыр, деп хабарлайды Zakon.kz.
Аталған оқиғаның видеосы 2024 жылдың 25 қарашасында Instagram-дағы public krisp_almaty парақшасында жарияланды.
"Оқыс оқиға 126 автобуста, Төле би – Тұрғұт Өзал көшелерінің қиылысында болған... Жанжалға жолаушылардың бірінің телефон арқылы қатты сөйлесуі түрткі. Ер адам оған ескерту жасайды, содан кейін оның өз сөзін елемегеніне наразы болып, орнынан тұрады. Әйелдің сыртқы киімінен ұстаған ол оны автобустан шығаруға тырысады. Ол қарсылық көрсетіп, оны итеріп жібереді. Сол кезде ер адам оған соққы берді", – деді оқиға куәгері.
Оның айтуынша, аталған жағдай жолаушылардың наразылығын тудырып, олардың бір бөлігі полицияға баруға мәжбүр болған.
Түсініктеме алу үшін біз қалалық полиция департаментінің баспасөз қызметіне хабарластық.
"Аталған факті бойынша Алмалы ауданының полиция бөлімі тексеру жүргізуде. Кінәліге қатысты Қазақстан Республикасы заңнамасының талаптарына сәйкес шаралар қабылданатыны сөзсіз. Жағдайлар анықталады". Алматы қалалық ПД баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
