Спорт жаңалықтары 
ТМД елдері борышкерлердің мүлкі мен орналасқан жері туралы ақпарат сұрай алады
Сурет: akorda.kz
Жарлықтың жобасы Қазақстан Президентінің қарауына енгізіледі.
"Қоса беріліп отырған Сот актілерін, өзге де уәкілетті органдар мен лауазымды адамдардың актілерін мәжбүрлеп орындауды жүзеге асыру кезінде ақпарат алмасу жөніндегі ынтымақтастық туралы келісімнің жобасы мақұлдансын", – делінген жарлықтың жобасында.
Бұл ретте келісімге мынадай ескертпемен қол қойылатыны көрсетілген:
- "Қазақстан Республикасы осы Келісімнің 6-бабы а) тармақшасының ережелерін оның заңнамасына қайшы келмейтін бөлігінде қолдану құқығын өзіне қалдыратынын мәлімдейді".
Келісім Тараптардың мәжбүрлеп орындау органдары мәжбүрлеп орындау рәсімдерін жүзеге асыру кезінде мынадай ақпаратпен алмасатынын көздейді:
- атқарушылық іс жүргізу туралы;
- борышкердің мүліктік жағдайы туралы;
- борышкердің жұмыс орны, сондай-ақ ресми көздері және оның кіріс мөлшері туралы;
- борышкердің немесе оның мүлкінің орналасқан жері туралы;
- атқарушылық іс жүргізу тараптарынан, басқа тұлғалардан және мемлекеттік органдардан алынған мәліметтермен, анықтамалармен және құжаттармен.
Мәжбүрлеп орындау органдары атқарушылық құжаттардың мәжбүрлеп орындалуын қамтамасыз ету үшін қажетті басқа да ақпаратпен алмасуы мүмкін екендігі көрсетіледі.
Сондай-ақ, сұрау салушы Тараптың сұрау салуы бойынша Сұрау салушы Тараптың аумағында атқарушылық іс жүргізу бойынша борышкер болып табылатын тұлғаның сұрау салынатын Тараптың аумағындағы ақшалай қаражаты мен мүлкі туралы мынадай ақпаратты ұсынуы көзделеді:
- сұрау салынатын Тараптың аумағындағы шоттарда, салымдарда немесе банктерде және өзге де кредиттік ұйымдарда сақтауда борышкердің ақшалай қаражатының болуы туралы (жоғарыдағы ескертуді қараңыз);
- жылжымайтын мүлік, оның ішінде борышкерге меншік құқығында немесе өзге де заттық құқықтарда тиесілі жер учаскелері туралы
- көлік құралдары;
- сұрау салынатын Тараптың аумағында тіркелген коммерциялық ұйымдардың жарғылық (жиналмалы) капиталындағы үлестері (пайлары, салымдары) туралы;
- сұрау салынатын Тараптың заңнамасына сәйкес мәжбүрлеп орындау органына ақпарат қолжетімді мүліктің өзге де түрлері туралы.
Бұдан басқа, Тараптар сұрау салуды орындау кезінде осы бапта көзделмеген өзге мүлік туралы ақпарат бере алады делінген.
Сұрау салынатын Тараптың мәжбүрлеп орындау органы борышкердің мүлкі туралы ақпаратты және келісімде көзделген өзге де ақпаратты оған ашу үшін қолжетімді көлемде ұсынады.
Бұдан басқа, Тараптар сұрау салушы Тараптың сұрау салуы бойынша мынадай ақпаратты белгілейтіні және ұсынатыны көрсетіледі:
- борышкердің, оның ішінде дара кәсіпкер ретіндегі жұмыс (қызмет) орны туралы;
- тараптардың аумақтарындағы ресми көздерден алынатын кірістердің ресми көздері мен мөлшері туралы.
Борышкердің ресми көздері мен табыстарының мөлшері туралы ақпарат сұрау салуда көрсетілген кезеңде, бірақ үш жылдан аспайтын мерзімде белгіленеді және ұсынылады.
Сондай ақ Тараптар сұрау салушы Тараптың сұрау салуы бойынша мыналарды белгілейді:
- борышкер – жеке тұлғаның тіркелген жеріне сәйкес Сұрау салынатын Тараптың аумағында тұратын мекенжайы, сондай-ақ егер ол тіркелген жері бойынша тұрмаса, оның нақты тұрғылықты жері туралы мәліметтер болған кезде;
- борышкер-заңды тұлғаның мемлекеттік тізілім деректеріне сәйкес Сұрау салынатын Тараптың аумағында орналасқан жері;
- борышкер мүлкінің сұрау салынатын Тараптың аумағында орналасқан жері.
Бұл ретте мүліктің орналасқан жерін белгілеу туралы сұрау салуда Сұрау салушы Тарап осы мүлікті сәйкестендіруге мүмкіндік беретін қажетті деректерді қоса алғанда, орналасқан жерін белгілеу талап етілетін нақты мүлікті көрсетеді.
Сұрау салуды орындау мерзімі 30 жұмыс күнін құрайды. Бұл ретте Сұрау салушы Тараптың мәжбүрлеп орындау органы сұрау салуды неғұрлым қысқа мерзімде орындау туралы сұрата алады.
Егер Сұрау салынатын Тараптың мәжбүрлеп орындау органына осы бапта белгіленген мерзімде сұрау салуды орындау мүмкін болмаған жағдайда, ол бұл туралы сұрау салушы Тараптың мәжбүрлеп орындау органын мүмкіндігінше қысқа мерзімде хабардар етеді.
