Қазақстанда динамикалық бақылауға жататын аурулар тізімі кеңейтілді

Қазақстан Республикасы Денсаулық сақтау министрі 2025 жылғы 7 тамыздағы бұйрығымен динамикалық бақылауға жататын созылмалы аурулар тізіміне өзгерістер енгізді, деп хабарлайды Zakon.kz.

Атап айтқанда, тізім жаңа редакцияда ұсынылды.

Барлығы тізімге 27 түрлі ауру енгізілген, оның ішінде:

• Созылмалы вирустық гепатит В, С және D, бауыр циррозынсыз;
• Артериялық гипертензия;
• Жүректің ишемиялық ауруы;
• Брахиоцефалдық артериялардың экстракраниалды аурулары;
• Жүрек қақпақшаларының барлық түрдегі зақымданулары;
• Жүрек ырғағының бұзылыстары, жүрекшелердің жыбырлауы мен дірілдеуі;
• Қан және қан түзуші ағзалардың аурулары;
• Тыныс алу жүйесінің аурулары;
• Ас қорыту жүйесінің аурулары, соның ішінде асқазан жарасы мен бауыр циррозы;
• Қаңқа-бұлшықет жүйесі мен дәнекер тіннің аурулары;
• Эндокриндік жүйе аурулары, тамақтану бұзылыстары және зат алмасудың бұзылыстары, соның ішінде қант диабетінің әртүрлі түрлері;
• Қалқанша безінің аурулары;
• Жүйке жүйесінің аурулары, оның ішінде эпилепсия және балалардың церебралдық салдануы.
• Сонымен қатар жүйке жүйесінің басқа да дегенеративтік аурулары және орталық жүйке жүйесінің демиелинизациялайтын аурулары енгізілді;
• Зәр шығару-жыныс жүйесінің аурулары;
• Әйел жыныс ағзаларының қабынусыз аурулары;
• Перинаталдық кезеңде пайда болатын жекелеген жағдайлар, соның ішінде туа біткен даму ақаулары.

Бұған дейін тізімге 25 түрлі ауру кірген болатын.

Бұйрық 2025 жылғы 2 қыркүйектен бастап қолданысқа енгізіледі.