Алматылықтарға тегін берілетін дәрі-дәрмектер: мәслихат өзгерістер енгізді

10 желтоқсанда Алматы мәслихатының кезектен тыс сессиясында "Алматы қаласында тіркелген азаматтарға амбулаториялық деңгейде тегін көрсетілетін медициналық көмектің, оның ішінде дәрі-дәрмекпен қамтамасыз етудің кепілдендірілген көлемін қосымша ұсыну туралы" шешімге өзгерістер енгізілді.

Өзгерістерге сәйкес, шешімнің қосымшасынан алматылықтарға тегін берілетін келесі дәрілік заттар алынып тасталды:

• Жүрекшелердің фибрилляциясы мен трепетаниясы кезінде – ривароксабан;
• Остеоартроз кезінде – эндопротез (имплант).

Сонымен қатар, тегін дәрі-дәрмекпен қамтамасыз ету келесі аурулар бойынша нақтыланды:

• Жүйелі қызыл жегі кезінде – ритуксимаб;
• Дилатациялық кардиомиопатия кезінде – валсартан + сакубитрил.

Бұдан бөлек, тегін дәрі-дәрмек берілетін аурулар тізіміне жаңалары да қосылды:

• Жүйелі қызыл жегі – анифролумаб;
• Қысқа ішек синдромы – тедуглутид;
• Оптикомиелоневрит (Девик ауруы) – ритуксимаб.

Шешім 2025 жылғы 28 желтоқсаннан бастап күшіне енеді.