Оңтүстік Қазақстанның тарихи орындары қайта жаңғыртылмақ
Zakon.kz
Оңтүстік Қазақстан облысы – республикадағы орта ғасырлық қалалардың болуы жағынан, көлемі жағынан жалғыз аймақ.
ОҚО әкімі Жансейіт Түймебаев Оңтүстік Қазақстан облысы қала құрылысы кеңесінің отырысында аудан, қалалардың дамуы бүкіл облыс бойынша бір концепция арқылы даму керектігін айтты, - деп хабарлайды Zakon.kz.
Жалпы Оңтүстік Қазақстан облысы – республикадағы орта ғасырлық қалалардың болуы жағынан, көлемі жағынан жалғыз аймақ.
Алдағы жылдары Оңтүстік Қазақстан облысының тарихы қайта жаңғырмақ. Руxани жаңғыру бағытына сәйкес туризмді дамыту және тариxты таныту мақсатында өңірде, өткен ғасырларды сипаттайтын орындарды қайта жаңғырту жұмыстары жүргізіледі. Мемлекет басшысының рухани жаңғыру мақаласынан кейін, өзіміздің тарихымызға құрметпен қарайтын кез келгенін айтқан аймақ басшысы бүгінгі басқосудың мақсаты да осы екенін жеткізді.
«Оңтүстік Қазақстан облысы – Елбасының «Болашаққа бағдар: рухани жаңғыру» бағдарламалық мақаласы бойынша және архитектуралық шешім мен жалпы туризмдерді көбейту, тарту концепциясы бойынша Оңтүстіктің өзінің бет-бейнесі болуы қажет. Ол қалай болу керек? Әр жерде әртүрлі болмауы керек», - деді облыс әкімі Ж.Түймебаев.
Яғни, аймақ басшысы оңтүстік өңіріне келгенде сол орта ғасырлық қазақ даласының, қазақ архитектурасының, қазақ үйлерінің және тұрмысы мен өмірінің иісі шығып тұруы тиіс екендігін алға тартты.
«Бұл жағынан бізде ескерткіштер жеткілікті. Енді, бәріміз бірлесе сол дүниелердің тарихи қалпын бұзбай, ретке келтіру жұмыстарына жұмыла кірісуіміз керек», - деді облыс әкімі.
Қазақстан Республикасы Сәулетшілер одағының мүшелері мен қоғамдық пікір кеңесшілері және белгілі сәулетшілердің басы қосылған кеңес мүшелерінің жиынында «Ескі қалашық» мәдени орталығындағы «Арбат» жобасы, «Ордабасы» мемориалдық тарихи-мәдени кешенін абаттандыру мен Үш бидің ескерткіші, «Флагшток» жобасы, «Қазығұрт – Кеме қалған» тарихи-мәдени кешенінің жобасы сынды 8 архитектуралық жоба қаралды.
Мәжілісте кеңес мүшелері сәулетшілердің ұсынған Ордабасы тауында орнатылатын Үш бидің ескерткішінің макетін, туристер келіп тамашалайтындай абаттандыру жұмыстары бойынша жобасын және Шымкенттегі ескі қала орнының аумағында археологиялық парк-музейі, ашық аспан астындағы музей құру жобасын, сонымен бірге Қазығұрт тауын тарихи-мәдени орталыққа айналдыру бағытындағы жобалары мен макетін қызу талқылап, өз ұсыныстарын білдірді.
Сонымен қоса, сәулетшілер Шымкент қаласы 2020 жылы тәуелсіз мемлекеттер достастығының мәдени орталығы деген атаққа ие болғанын, сол жылы қаланың 2000 жылдық тарихы аталып өтілетін болады. Сонымен қатар, Шымкент «Жібек жолы» номинациясы бойынша әлемдік мәдени мұра тізіміне де ұсынылып отырғанын айтып, ескі қаланың құндылықтарын сақтай отырып, тарихымызды көрсете білуіміз керек деп өз сөздерін түйіндеді.
Айта кетейік, Елбасының «Болашаққа бағдар: рухани жаңғыру» бағдарламалық мақаласы аясында «Қасиетті Қазақстан» республикалық орталығына облыстан 104 нысан ұсынылды. Қазіргі таңда республика бойынша 100 нысан іріктелініп алынса, оның ішіне Оңтүстік Қазақстан облысынан 23 нысан еніп отыр. Қалған 81 тарихи-мәдени ескерткіш жергілікті маңызы бар қасиетті, киелі жерлердің тізіміне енгізілген.
Фото: bnews.kz
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
