Павлодарда шабдалы тосабы арқылы сотталушыға есірткі жіберген азамат ұсталды

Павлодарда АП-162/1 мекемесінде жазасын өтеп жатқан сотталушыға қала тұрғыны айлакерлікпен тыйым салынған есірткі затын өткізіп жібермек болған, деп хабарлайды pavlodarnews.kz.

Бұл туралы агенттікке Павлодар облысы бойынша қылмыстық-атқару жүйесі департаментінің маманы Айгүл Сыздықова айтты.

- Мекеме қызметкерлері қабылдау-тапсыру бөлмесінде сотталушы Б.Кацскийге А.Мартенс деген азаматтан келген заттарды тексеру жүргізген, - дейді Айгүл Сыздықова.

– Сол сәтте «Шабдалы тосабы» деген жазуы бар пластмасс банка көзге түскен. Ыдысты ашқан кезде ішінен сұрғылт-жасыл түсті белгісіз зат салынған целлофан қалта шыққан. Осы жағдайға қатысты Павлодар қаласы ІІБ-ның оңтүстік тергеу тобы шақырылды. Маманның айтуынша, банка сот-химиялық сараптамаға жіберілген. Нәтижесінде тосаптың ішінен табылған зат есірткі – марихуана екені анықталды. Аталмыш факті бойынша материалдар қылмыстық деңгейді анықтау мақсатында сотқа жөнелтілді.

Фото: Рavlodarnews.kz

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021