Павлодар облысында көктайғаққа байланысты жолдар жабылды

Автокөліктің барлық түрлері бойынша барлық бағыттарға қозғалыс шектелді.

Ауа райының күрт құбылуына (көктайғақ) байланысты үш облысқа қатынайтын автожолдар жабылды, - деп хабарлайды pavlodarnews.kz.

Бұл туралы ҚР ІІМ Төтенше жағдайлар комитеті хабарлайды.

Қарағанды облысында 24 желтоқсанда сағат 21.30 бастап автокөліктің барлық түрлері бойынша барлық бағыттарға қозғалыс шектелді.

Павлодар облысында 24 желтоқсанда сағат 23.55 бастап автокөліктің барлық түрлері бойынша барлық бағыттарға қозғалыс шектелген. Сондай-ақ, Ақмола облысында да 24 желтоқсанда сағат 23.00 бастап автокөліктің барлық түрлері бойынша «Екатеринбург-Алматы» (Аршалы кентінен Қарағанды облысына дейінгі аумақ, 1330-1353 км) тас жолында қозғалыс шектелген.