ЭКСПО аумағында керемет жаңа жылдық бағдарлама өтеді

Түрлі сайыстар мен тамаша сыйлықтар, дәу қуыршақтар және т.б. қызықтар көп болмақ.

Жаңа жыл түні ЭКСПО көрмесі аумағында Астана тұрғындары мен қонақтарына арналған керемет ойын-сауық бағдарлама ұйымдастырылады, - деп хабарлайды Sputnik Қазақстан.

31 желтоқсанда сағат 21:00 мен 03.00 аралығында еліміздің бас шыршасы маңында қазақстандық эстрада жұлдыздарының қатысуымен концерт өтеді. Түнгі сағат он екіде отшашу басталмақ.

29 желтоқсан мен 2 қаңтар аралығында ЭКСПО мұз айдынында әртүрлі сайыстар мен ұтыстар ұйымдастырылады, аниматорлар мен дәу қуыршақтар балалардың көңілін көтеріп, қайталанбас мереке сыйлайды:

29 желтоқсан – 12:00-17:00, 18:00-23:00;
30 желтоқсан – 14:30-18:00, 19:30-23:00;
31 желтоқсан – 14:30-18:00;
1 қаңтар – 12:00-17:00, 18:00-23:00;
2 қаңтар – 14:30-18:00, 19:30-23:00.