Алматыдан 28 шақырым қашықтықта жер сілкінісі болды

Жер сілкінісінің энергетикалық санаты – 9.2.

ҚР Білім және ғылым министрлігі Ғылым комитетінің «Сеймологиялық тәжірибелік әдістемелік экспедициясы» мемлекеттік мекемесінің сейсмикалық стансалар желісі 10 қаңтар күні жергілікті уақыт бойынша 09:27:17 секундта жер сілкінісін тіркеді, деп хабарлайды Zakon.kz.

Жер сілкінісінің кіндігі Алматы қаласынан шығысқа қарай 28 шақырым қашықтықта орналасқан.

Жер сілкінісінің энергетикалық санаты – 9.2. Магнитудасы – MPV 4.4. Тереңдігі – 20 шақырым.

Талғар қаласында 2 балл сезілген.