Әскерде мерт болған жауынгердің отбасына қанша өтемақы беріледі
ҚазАқпарат
Әскери қызметшіні ауыр цистерна қысып қалған.
ҚР Қорғаныс министрлігі әскери қызметі кезінді көз жұмған жауынгердің отбасына төленетін өтемақының сомасын айтып берді, деп хабарлайды ҚазАқпарат.
«2012 жылғы 16 ақпандағы «Әскери қызмет және әскери қызметшілердің мәртебесі туралы» Заңына сәйкес, жауынгер әскери қызметі кезінде мерт болған жағдайда, оның мұрагерлеріне біржолғы өтемақы төленеді. Бұл тұрғыда әскери қызметшінің қаза болған күнінде соңғы атқарған лауазымы бойынша бес жылдық ақшалай еңбекақысы көлемінде өтемақы ескерілген», - деп жауап берді ведомство «ҚазАқпараттың» сауалына.
Естеріңізге сала кетейік, 2018 жылдың 23 қаңтарында Қызылорда облысында келісімшартпен қызмет етіп жүрген қатардағы жауынгер көз жұмды.
Әскери қызметшіні ауыр цистерна қысып қалған. Ол жедел жәрдем көлігімен жеткізілген Қызылорда қаласындағы облыстық медициналық орталықта көз жұмды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
