Сендерсіз өмір сүре алмаймын - Қайрат Нұртас желіде ішкі сырын ақтарды

Мен үшін он жыл қас-қағым сәтте өтіп кеткен сияқты көрінеді - Қайрат Нұртас.

Қайрат Нұртас Instagram парақшасында жарына деген махаббатының ерекше екенін айтты, деп жазады Zakon.kz.

"10 жыл! Біреуге көп, біреуге аз. Мен үшін он жыл қас-қағым сәтте өтіп кеткен сияқты көрінеді. Жұлдызыммен кеше ғана танысқандаймын. 10 жыл бұрын қалай ғашық болсам, әлі де солай. 10 жыл бұрын сенсіз өмірімді елестете алмасам, қазір сендерсіз өмір сүре алмаймын. Әрдайым жанымда шыдамдылығыңмен, ақылдылығыңмен, сабырлығыңмен, маxаббатыңмен күш бердің, жаным. 10 жыл бұрын армандаған арманыма, жарыма берген уәдемді орындағаныма Аллаға шүкір. Бұл дүниедегі бар байлығым да, бақытым да отбасым. Жаратқан жәннәтқа бірге кіруді нәсіп етсін. Мен сені сүйем, Джули!" - деп жазды Қайрат Нұртас.