Бақылаусыз қалған алты жасар бала ысты газдан көз жұмды
Рavlodarnews.kz
Өрттің себебі мен келтірілген шығын көлемі анықталуда.
Ақсу қаласында Қамзин көшесіндегі көпқабатты үйдің үш бөлмелі пәтерінде өрт орын алды. Оқыс жағдай кезінде пәтерде алты жасар бала болған, деп хабарлайды pavlodarnews.kz.
Бұл туралы облыстық ТЖД-нің баспасөз қызметі хабарлады.
9-наурыз күні кешкі сағат 17:00 шамасында үш бөлмелі пәтердегі өрт туралы хабарлама келіп түсті. №11 өрт сөндіру бөлімінің екі техникасы мен жеке құрамынан 11 адам оқиға орнында жұмыс істеді. Бес минуттың ішінде қызыл жалын оқшауланды.
- Пәтерге кіргенде 2012 жылы туған ұл баланы таптық. Ол ауыр деңгейдегі ысты газбен улану диагнозымен Ақсу қаласының орталық ауруханасына жеткізілді. Өкінішке орай, бала жансақтау бөлімінде көз жұмды. Өрттің себебі мен келтірілген шығын көлемі анықталуда, - деді департаментте.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
