Кемероводағы өрт: 13 баланың мүрдесін туыстары таныды
ҚазАқпарат
Марқұмдардың денелері туыстарына сейсенбі күні тапсырылады.
«Зимняя вишня» сауда үйіндегі өртте қаза тапқан 13 баланың денесін туыстары таныды. Бұл туралы РФ Денсаулық сақтау министрі Вероника Скворцова мәлім етті, деп хабарлайды ҚазАқпарат.
Скворцованың айтуынша, қазір 25 адамның мәйіті анықталған. Марқұмдардың денелері туыстарына сейсенбі күні тапсырылады. Қазір сот медицина сарапшылары өрттен күйген денелерді генетикалық талдаулар арқылы анықтау үстінде.
«Мәскеуден арнайы келген мамандар мәйіттерді анықтап жатыр»,- деді ол.
Министрдің айтуынша, қазір ауруханада жатқандардың ішіндегі ең жағдайы ауыр 11 жастағы бала. Сонымен бірге туыстары қаза тапқан 69 адам қатты күйзеліс, гипертоникалық жүрек ақауларымен ауруханаға түскен.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
