Жаңалықтар тізбегі
0

Алматы зообағындағы бегемотқа Франциядан қалыңдық әкелінді

sonmir.ru sonmir.ru
Су сиыры таңғы сағат 7-де Франциядан арнайы ұшақпен жеткізілді.

Алматы зообағындағы бегемотқа Франциядан қалыңдық әкелінді. Лотти атты су сиыры Алып шаһарға арнайы ұшақпен жеткізілді. 2 тоннаға жуық жануарды әуе кемесінен түсіру үшін бірнеше адам жұмылдырылды. Ал бұған дейін 9 жыл бойы жалғыз өмір сүрген біздің бегемот Жамбо Еуропадан келген қалыңдығын қарсы алды, деп жазады Алматы телеарнасы.

Алматы зообағының қызметкерлері осыдан бір жыл бұрын Еуропадағы әріптестеріне құда түсіп, ұрғашы бегемот іздестіріп жатқандарын жеткізген еді. Ұзақ келіссөздерден соң құдалық рәсімі сәтті өтіп, олар көптен күткен қалыңдықтарын әуежайда күтіп алды. Лотти атты 8 жасар бегемотты франциялықтар қалалық зообаққа тегін тарту еткен. Біздің тарап тек жануарды жеткізу үшін жол шығыннын төлепті. Оның өзі 28 мың еуроны құраған.

Су сиыры таңғы сағат 7-де Франциядан арнайы ұшақпен жеткізілді. Ауыр жануарды жерге түсіру үшін мұнда бірнеше жұмысшы қатарынан тер төкті.

Лоттидың салмағы 2 тоннаға жуық. Мұндай алып жануарды тасымалдау өте күрделі екен. Бегемот тәулік бойы аядай торда қамалып тұрған. Бірақ онымен бірге ұшып келген француз мамандары су сиырдың жағдайын жол бойы кірпік қақпай бақылап отырған.

Зообақ қызметкерлері әуежай қақпасынан шықпай тұрып, бегемоттың құжаттарын рәсімдеді. Кейін қалыңдықты жаңа үйіне әкелді.

Лотти Алматының ауа райына бейімделген соң, оны мына қауыздағы еркек Джамбо атты су сиырға қосу көзделіп отыр. Алматы зообағында 9 жылдан бері мекен ететін бұл бегемоттың жасы қазір 11-де. Қызметкерлер қос жануар бір-бірімен тез тіл табысып кететініне сенімді.

Дегенмен, қалыңдық күйеу жігітпен тек 40 күннен соң кездеседі. Талап бойынша бегемот карантинге жабылады. Бұл аралықта су сиыры біздің табиғатқа бейімделіп, ұзақ жолдағы күйзелісінен шығады. Қызметкерлердің айтуынша, бегемотты қолға үйрету өте күрделі. Бастапқыда жануар шабуыл жасап, мінезін көрсетеді екен.

«Біздің су сиырымыз Жамбо кішкене мазасызданып, әлгі жолдасы келгенге кішкене мінез танытып жатыр. Енді Құдай бұйырса 45 күннен соң қосамыз. Біздің ойымызда ұрпақ алу. Ал енді оның жасы 8-ге келді биыл, Жамбомыз 11 жаста. Екеуін енді дұрыс қарасақ, бірнеше ұрпақ алуға болатын түрі бар», - деді Алматы зообағының қызметкері Ермұхамбет Нұрғазиев.

Лотти әзірге француз тілін ғана түсінеді. Хайуанаттар бағының мамандары шетелдік жануарға 40 күнде қазақ тілін үйретеміз деп отыр. Әрі бұл уақытта ішер ас-суғада бейімделеді. Айта кетейік, бегемоттар күніне 15 келі көкөніс пен 10 келі шөп жейді екен.

Айдана Мейрамбайқызы, Мұрат Тайжанов

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: