16 кеден қызметкеріне қатысты тергеу мерзімі ұзартылды

Тергеу орындары тағы да 3 ай мерзімге тергеу жұмыстарын жүргізуді сұраған.

Шымкент қаласы Әл Фараби аудандық соты ОҚО мемлекеттік кірістер Департаменті кедендік қызметінің 16 қызметкеріне қатысты сот санкциясының уақытын ұзарту жөнінде қаулы шығарды, деп хабарлайды otyrar.kz.

Тергеу орындары тағы да 3 ай мерзімге тергеу жұмыстарын жүргізуді сұраған. Тергеу мерзімі ұзартылды.

Еске салайық, ОҚО, Жамбыл және Алматы облыстарында жүргізілген арнайы операция кезінде 30 — ға жуық күдікті құрықталған еді. ҚР Бас прокуратурасының таратқан ресми хабарламасына сәйкес, ұсталғандардың басым бөлігі кеден қызметкерлері мен брокерлер, делдалдар болған.

ОҚО — да 13 адам қамауға алынғаны туралы мәлімет тараған еді. Кейін белгілі болғанындай тағы да бірнеше адамның құрықталғаны мәлім болды. Қазір екі кеден қызметкеріне іздеу жарияланған. Барлық мемлекеттік шенеуніктерге аса ірі көлемде топ болып пара алды деген айып тағылуда.