Алматыда үш көше біраз уақытқа дейін жабылады

Шектеу трамвай жолдарының демонтажының жүргізілуіне байланысты енгізіліп отыр.

Алматыда Жароков, Байтұрсынов, Мақатаев көшелерінде автотранспорттар қозғалысы шектелді. Бұл туралы оңтүстік астана әкімдігінің баспасөз қызметі хабарлады, деп жазады Today.kz.

Шектеу трамвай жолдарының демонтажының жүргізілуіне байланысты енгізіліп отыр.

Жароков көшесіндегі қозғалысты, дәлірек айтқанда Жандосовтан Тимирязевке дейінгі бөлікті 12-31 мамыр аралығында жабады. Мақатаев көшесінде Абылай хан көшесінен Назарбаев даңғылына дейінгі бөлік 12 мамырдан 10 маусымға дейін жабылады. Байтұрсынов көшесінде Төле биден Гоголь көшесіне дейінгі бөлік 15-29 мамырға дейін көлік қозғалысы үшін қызмет етпейді.