Семей саяжайларында ұрлық-қарлық көбейген
![Хабар 24, сурет - Zakon.kz жаңалық 08.06.2018 16:21](https://kaz.zakon.kz/pbi/WEBP/2023-12-20/file-5a547cb8-680a-4576-a753-78cd2246d993/800x452.webp)
Қаскөйлер көбінесе темірден жасалған дүниелерді үптеп кетеді.
Семейдегі саяжай алқаптарында ұрлық-қарлық көбейген, деп хабарлайды Хабар 24.
Қаскөйлер көбінесе темірден жасалған дүниелерді үптеп кетеді. Осындай қылмыстардың бетін ашу үшін шаһарда жедел алдын алу шаралары өткізіліп жатыр. Полицейлер бір күнде заңсыз темір-терсек жинап келген екі нүктені анықтады. Рейд кезінде олардың арнайы лицензиялары болмай шыққан. Бұл құқықбұзушылық үшін заң бойынша 15-тен 25 айлық есептік көрсеткішке дейін айыппұл қарастырылады. Рұқсатсыз темір жинаушыларға қатысты әкімшілік хаттамалар толтырылды.
– Ол әкімшілік хаттамалар мамандандырылған әкімшілік сотына жолданады. Сот ол кісілерге айыппұл салады. Өткізген адамға айыппұл салынбайды. Егер де бұл жағдай ұрланған темір болса, ол кісіге біз қылмыстық іс қозғаймыз, - дейді учаскелік полиция инспекторы Қуаныш Ибраев.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript