Жаңалықтар тізбегі
0

Балуан Шолақ атындағы спорт сарайы мемлекетке қайтарылады

СтройДевелопмент, сурет - Zakon.kz жаңалық 19.06.2018 21:31 СтройДевелопмент
Балуан Шолақ атындағы спорт кешенінің базасында туристік базаның ашылуы жоспарда.

Балуан Шолақ атындағы спорт сарайы қаланың қаланың коммуналдық меншігіне беріледі. Бұл туралы қалалық қоғамдық кеңестің отырысында белгілі болды, деп хабарлайды ҚазАқпарат тілшісі.

Отырыста қалалық Туризм және сыртқы байланыстар басқармасының есебі тыңдалды.

Басқарма өкілдері туристік автобус бағдарларын реттеу туралы жоспарларымен бөлісті.

«Биыл Балуан Шолақ атындағы спорт кешенінің базасында туристік база ашуды жоспарлап отырмыз. Сіздер білетіндеріңіздей, өткен жылы жағдайы сын көтермейтін бірқатар нысанды қала меншігіне қайтару керектігі жайлы мәселе көтерілген болатын. Өйткені, бұл нысандарды қалпына келтіру керек болды. Осы бағытта Балуан Шолақ атындағы спорт кешені әкімдікке беріледі. Қазір эскиз сызылып жатыр. Туроператорлармен кездесу жүргізілді. Кәсіпкерлермен де әңгіме жүргізілді», - деді басқарма басшысы Ерлан Жайлаубай.

Концепция бойынша спорт сарайынан Алматы және Алматы облысының көрнекті орындарын аралауға туристік автобустар шығады. Бұл жерден Көлсай, Қайыңды, Шарын, Талғар елді мекендеріне бағыт ашылады.

«Қазір әр турфирма әр аймақтан шығады. Бір жүйеге келтіру керек. Сәтпаев пен Абай көшесінің ортасында Байтұрсынов көшесінің бойында орын белгілі. Спорт сарайын қала меншігіне қайтарған соң қосымша тұрақтар жасалынады», - деді Ерлан Жайлаубай.

Қалада туристік жағдайды жақсартуға навигация, автобустардың жұмысы, үш тілділік, ақпараттандыру жүйесі өзгеретін болады. Атап айтқанда темір жол, автовокзалдар, Абылай хан көшесі мен Гоголь көшесі қайта жасалады.

Қоғамдық кеңес мүшелері «Сайран» автовокзалында туристердің екінші нүктесін орналастыру туралы бастама көтерді.

Сонымен қатар, қоғамдық кеңес мүшелері қос қабатты автобустар сатып алу туралы ой айтты.

Ерлан Жайлаубайдың айтуынша, 400 мың АҚШ доллары қажеттігін айтты.

Сондай-ақ, жақында «Қазақфильм» алаңында этно-ленд ашылатыны белгілі болды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: