Денис Тен ауруханаға жеткізілді: дәрігерлер консилиум өткізіп жатыр

Спортшыға шабуыл түскі уақытта Құрманғазы мен Байсейітова көшелерінің қиылысында жасалған.

Сочидегі Олимпиада ойындарының қола жүлдегері, қазақстандық мәнерлеп сырғанаушы Денис Тен жарақатымен №12 қалалық орталық клиникалық ауруханаға жеткізілді, деп хабарлайды Zakon.kz.

«Қазіргі кезде дәрігерлер консилиум өткізуде. Барлық ақпаратты қорытындысы бойынша баяндаймыз», - деді Алматы қаласының Денсаулық сақтау басқармасының баспасөз хатшысы Лейла Кенесбаева.

БАҚ өкілдерінің хабарлауынша, спортшыға шабуыл түскі уақытта Құрманғазы мен Байсейітова көшелерінің қиылысында жасалған.