Вице-министр Теннің өліміне қатысты күдіктінің Астанадан қалай қашып кеткенін айтты

Рашид Жақыповтың айтуынша, оған қатысты заңға сәйкес, жеделдетілген процедурада сотқа дейінгі тергеу амалдары басталған. Осы процедура оған Астананы тастап, Алматыға кетуіне мүмкіндік берген.

ҚР ІІМ өткен брифинг барысында ҚР Ішкі істер министрінің орынбасары Рашид Жақыпов Денис Теннің өліміне қатысты күдікті Арман Құдайбергеновтың әділет орындарынан жасырынып Астанадан Алматыға қалай келгені жайлы айтып берді, деп хабарлайды Zakon.kz.

"Ол 11 шілде күні Астанада ұсталған. Оған қатысты заңға сәйкес, жеделдетілген процедурада сотқа дейінгі тергеу амалдары басталған. Бұл процедура бойынша тергеу 15 күнде жүруі тиіс және бұлтартпау ретінде тіркеліп отыру шарасы қолданылған. Тіркелу міндеттемесі күдіктінің қалаларға баруына шектеу салмайды, тек белгіленген уақытта келіп тұрса жеткілікті", - деп атап өтті Рашид Жақыпов.

Сондықтан, вице-министрдің пікірінше, Құдайбергенов заң орындарынан жасырынып, іс сотқа түскенге дейін Астанадан кетіп қалуы мүмкін.