Павлодарда 11-қабаттан құлаған әйел жас жігітті өлтіре жаздады

Жас жігіт баспалдақпен үйдің кіреберісіне көтеріліп бара жатқанда, үстіне әйел құлайды.

Әлеуметтік желіде павлодарлық әйелдің 11-қабаттың балконынан құлаған сәті түсіп қалған видео тарады деп жазады sputniknews.kz.

Оқиға 24 шілде күні Павлодарда Тәуелсіздік даңғылында болған. №52 үйден "жедел жәрдемге" 11-ші қабаттан құлаған әйелге көмек көрсету туралы хабар түседі. Бірақ елу жас шамасындағы әйел дәрігерлер келгенше көз жұмды.

Инстаграмдағы "Типичный Павлодар" парақшасында әйелдің жоғарыдан құлаған сәті түсіп қалған видео тарады. Видеодан марқұмның баспалдақпен үйдің кіреберісіне көтеріліп бара жатқан жігіттің үстіне құлағанын көруге болады. Қатты соққыдан жас жігіт жеңіл-желпі жарақат алған.

Облыстық ІІД ақпаратты растады.

Аталған фактіге қатысты ҚР ҚК 105-бабы бойынша (Өзін-өзі өлтіруге дейін жеткізу) сотқа дейінгі тергеу жүріп жатыр. Сот-медициналық сараптама белгіленді.