Белгілі еуропалық дәрілік препараттан зиянды зат табылған

altaynews.kz

Бауырдың қатерлі ісігіне шалдықтыратын канцерогендік зат болуы мүмкін.

Атап айтқанда, Валсартан деген дәрінің құрамынан N-нитрозодиметиламин (NDMA) табылған екен. Осыған орай бұл мекдикамент сатылымнан алынуда деп жазады Алтайньюс.

Валсартанды өндіруші – қытайлық «Чжэцзян Хуахай Фармасьютикалс» компаниясы. NDMA мүмкін канцероген болып табылады, ол бауырдың қатерлі ісігіне шалдықтыруы мүмкін.

Валсартаннан бөлек, «Чжэцзян Хуахай Фармасьютикалс» компаниясы келесі дәрі-дәрмектерді де өндіреді: Нортиван («Гедеон Рихтер»), Вазар («БалканФарма-Дупница АД») и Комби Кардофикс-сановель Плюс («Сановель Фармако»).

Дегенмен, Денсаулық министрлігі бұл препараттарды қабылдап жүрген науқастарға дәрігердің рұқсатымен ғана тоқтатуға кеңес береді. Сондай-ақ, жоғарыда аталған препараттарды басқа балама дәрі-дәрмекке ауыстыру мақсатында дәрігерге міндетті түрде жүгінген жөн.

Оқи отырыңыз