ШҚО-да пара алған полиция қызметкері сотталды
altaynews.kz
Тәртіп сақшысы екі бап бойынша заң бұзып отыр.
Риддерде жол-патрульдік полиция қызметінің инспекторы құқық бұзушылық фактісін жауып тастау үшін 30 мың теңге көлемінде пара алды, деп хабарлайды Алтайньюс тілшісі.
Бұл әрекетімен тәртіп сақшысы екі рет заң бұзып отыр. Құқық бұзушыдан пара алып қана қоймай, қолда бар дәлелдерді бұрмалап, оны жазасы жеңілдеу бап бойынша кінәлі етіп шығарған.
Риддер қалалық сотының үкімімен полиция қызметкері Қылмыстық Кодекстің екі бабы бойынша кінәлі деп табылып, 1 млн 924 000 теңге мөлшерінде айыппұл салынды. Сондай-ақ, мемлекеттік қызметте жұмыс істеуден өмір бойына шеттетілді. Салынған айыппұлды сот үкімі заңды күшіне енген уақыттан бастап екі жыл ішінде өтеуге міндетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
