Ер адам өзіне ұнаған әйелдерді зорлау үшін 3 метрлік алып жыланды пайдаланған
stan.kz
Шотландияда өз құрбандарының бірін зорлау үшін 3 метрлік жыланды пайдаланған азғын 14 жылға бас бостандығынан айырылды. Ол тағы басқа әйелді 5 жыл көлемінде мыңнан астам рет зорлап келген. Ал ер адамның тағы бір құрбанының қорқып қалғаны сонша, оны полиция тауып алған кезде, қолына пышақты қысып ұстаған әйел шкафтың ішінде тығылып отырған. Бұл туралы Mirror басылымына сілтеме жасап Stan.kz хабарлайды.
38 жастағы Джон 2000-2017 жылдар аралығында 4 әйелді үнемі зорлап келген. Нәтижесінде ол бес бап бойынша айыпталды. Олардың қатарында зорлық мен тұрмыстық зорлық-зомбылық бар.
Жәбірленген әйелдердің бірі сотта азғынның өзін қорқыту үшін жыланды пайдаланғанын айтты. Әйелдің сөзінше, сотталушы оны жиі зорлайтын болған. Тіпті өзі ұйықтап жатқан кезде де азғын зорлық әрекеттерін жасаған. Нәтижесінде ер адамның бұл азғындық әрекеті құрбаны үшін қалыпты жағдай ретінде көрінген.
Джон өзінің құрбанын үнемі ұрып-соғып, кемсіту сөздерін айтып қорлайтын болған. Әйелдің сөзінше, сондай жағдайлардың бірінде азғын өзін бір сағат бойы ұрып, тепкінің астына алған. Ол осындай қорлықты бастан кешіп жүрген кезде, тағы бір әйел Джоннан жүкті болып қалыпты.
Өз сөзінде Диксон жәбірленушілермен қарым-қатынаста тым қатігез болғанын мойындады. Алайда оларды зорламадым, себебі өзара келісім бойынша жыныстық қатынасқа түстік, – дейді ол.
