Мемлекет басшысы Қазақстан-Қытай бизнес форумын ашты
![Baq.kz, сурет - Zakon.kz жаңалық 07.09.2018 17:09](https://kaz.zakon.kz/pbi/WEBP/2023-12-20/file-01916fd2-2388-4088-8522-a62faf8302d1/800x452.webp)
Өткен жылдың қорытындысы бойынша сауда айналымы 32%-ке өсіп, 10 млрд АҚШ долларына жетті.
Астанада Қазақстан президенті Нұрсұлтан Назарбаев «Бір белдеу - бір жол» идеясының бесжылдығына арналған Қазақстан-Қытай бизнес форумын ашты, деп хабарлайды Baq.kz тілшісі.
«Баршаңызды Қазақстан-Қытай бизнес форумының басталуымен құттықтаймын. Қазақстан тәуелсіз ел болғалы қос мемлекет арасында сауда-экономикалық ынтымақтастық қарқынды дамып келеді. Қытай Халық Республикасы – Қазақстанның сыртқы саудадағы ірі әріптесі. Өткен жылдың қорытындысы бойынша сауда айналымы 32%-ке өсіп, 10 млрд АҚШ долларына жетті», - деді президент видеоүндеу арқылы.
Елбасының айтуынша, ширек ғасырдан астам уақыт ішінде Қытайдан келген тікелей инвестиция 15 млрд АҚШ долларын құрапты.
«Қытай компаниялары – Қазақстанның ірі жобаларын іске асыру жолында негізгі серіктестердің бірі. Олар біздің елдегі инвестициялық процестерге белсенді қатысуда. Осының бәрі өзара сенімге негізделген екі жақты қатынастардың дұрыс бағытта дамып келе жатқанын білдіреді», - деді Назарбаев.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript