Түркияда қалған сәбиді алып келуге ата-анасы ұшып кетті
ҚазАқпарат
Олар бірден клиникага барады.
Түркияда қалған сәбиге жеңіл ота жасалды. Васильевтер отбасы 2 айлық нәрестелеріне Түркияға ұшып кетті, деп хабарлайды ҚазАқпарат тілшісі.
ҚР СІМ ресми өкілі Айбек Смадияровтың айтуынша, бөбектің ата-анасы Түркия уақытымен сағат 11.30-да Анкарада болуы тиіс.
«Олар бірден клиникага барады. Әзірше түркиялық дәрігерлерден консилиум шешімі туралы хабар жоқ. Санавиация бортын дәрігерлердің сұрауымен жөнелтеміз. Жағдай сағат сайын өзгеруде. Біздің консулымыз клиникамен тығыз байланыста. Кеше «Полинаға» жеңіл ота жасалды. Сондықтан оны палатадан шала туған балаларға арналған жансақтау бөліміне ауыстырды», - деді Айбек Смадияров.
Оның айтуынша, Васильевтер отбасы аман есен-елге оралуы үшін ведомство бар мүмкіндікті жасауда.
Еске сала кетсек, Дарья Васильева Түркияда мерзімінен бұрын босанып қалған. Ол салмағы 750 грамм болып туған қызын ақылы клиниканың қызметін төлейтін ақшасы болмағандықтан сонда қалдырып кеткен.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
