Жаңалықтар тізбегі
0

Бекболат Тілеухан Көшпенділер ойынындағы көкпарға қатысты түсінік берді

matritca.kz matritca.kz
Бекболат Тілеухан соңғы 2-3 күнде әлеуметтік желілерде талқыланып жатқан көкпаршыларға қатысты мәселеге байланысты сұраққа жауап берді.

ҚР Ұлттық спорт қауымдастығының президенті Бекболат Тілеухан бүгін Астанада Дүниежүзілік көшпенділер ойындарының қорытындысына орай баспасөз мәслихатын өткізді, деп хабарлайды ҚазАқпарат тілшісі.

Жиын барысында Бекболат Тілеухан соңғы 2-3 күнде әлеуметтік желілерде талқыланып жатқан көкпаршыларға қатысты мәселеге байланысты сұраққа жауап берді.

«Біздің ересектер құрамасы барған жоқ (Дүниежүзілік көшпенділер ойындарына - авт.) Алдыңғы ересектер құрамасы барған кезде біздің көкпаршылар екінші орын алып қалған. Үнемі ұтылуда болды. Сондықтан, жалпы көкпаршылармен, осы саладағы мамандармен ақылдастық. Бұл Азия немесе Әлем чемпионаты емес, бар болғаны фестиваль ғой. Біз бұл додаға жастар командасын салдық. Жастар да додаға түсіп, сол сыннан өтуі керек. Қырғызстанда ойнаған Қазақстанның жастар командасы. Мақсатымыз орындалды. Барды, ойнады, өте жақсы дәрежеде өнер көрсетті деп ойлаймын», - деді Бекболат Тілеухан.

ҚР Ұлттық спорт қауымдастығының президенті әлеуметтік желідегі пікірлерге қатысты ойын жеткізді.

«Спорт болғаннан кейін біреу жеңеді, біреу жеңіледі. Ересектерді жіберсек, жеңіп тұрғанымыз анық. Енді жастарда кіріспей ме!? Біздің жетекші ретінде алдымызға қойып отырған негізгі мақсат бар - бұл әділдік. Қазақстанның жеріне кеп ойнағанда, аударыспағыңыз болсын, көкпарыңыз болсын - әділдіктен бір сантиметр тайған жері жоқ. Өйткені, қалыптасу кезеңіндегі ойын болғаннан кейін басталмай жатып, әділетсіздікке баратын болсақ, берекесі кетіп қалады», - дейді ол.

Бекболат Тілеухан сонымен қатар, «Ұлттық спортқа қаншама ақша бөлінді» деген сұраққа жауап берді.

«Ашығын айтайын, осы уақытқа дейін 200 миллион теңге бөлінді. 40 пайызға жуығы жүлде қорына кетті. Оны білу қиын емес. Жеңіс тұғырында тұрған спортшылар қолына сертификатты ұстап тұр ғой. Сонда санап алсаңыздар, сол соманың 30-40 пайызы шығады», - дей келе Бекболат Тілеухан осы уақытқа дейін ұлттық спорт түрлерін өркендетуге үлес қосып жүрген азаматтарға алғысын білдірді.

Айта кетсек, осыған дейін Қырғыз Республикасында өткен ІІІ Дүниежүзілік көшпенділер ойындарында Қазақстан құрамасы жалпыкомандалық есепте екінші орын алған болатын. Сондай-ақ, қазақ көкпаршылары аталмыш ойындарда өзбек спортшыларынан жеңіліп, қола медальды місе тұтқан еді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: