Өскеменде тегін инватакси қызметі пайда болады

Қала әкімі жеке автокөлігі бар қала тұрғындары жобаға қатысуға шақырады.

Қала әкімі Жақсылық Омардың бастамасымен «Өскемен Асар автоеріктілері» әлеуметтік жобасы іске қосылды, деп хабарлайды Алтайньюс тілшісі.

Жобаның мақсаты – мүмкіндігі шектеулі адамдарға тегін көлік қызметін көрсету.

-Мұндай жұмыс формасы басқа қалаларда енгізілген. Біз де сол тәжірибені қолдануымыз керек. Инватаксидің күшімен барлық мұқтаж жандарға көмектесу мүмкін емес. Сондықтан жеке автокөлігі бар қала тұрғындарын жобаға қатысуға шақырамын, – дейді шаһар басшысы.

Автоеріктілердің қатарына қосылуға ниет білдірушілер болса, 8-747-911-00-11нөмірі арқылы өтінім қалдыра алады.