Алматы облысында әкімшілік құқық бұзушылардан 1 млрд теңге айыппұл өндірілді

Алматы облысында полиция әкімшілік құқық бұзушылық үшін жауапкершілікке тартылған тұлғалардан айыппұлдарды өндіру ісін жандандырды, деп хабарлайды zakon.kz.

Тәртіп сақшылары таратқан ақпаратқа сәйкес биыл жол тәртібіне бағынбағандардан 1182343452 теңге өндірілген. Бұл сома жол қозғалысының қатысушыларына салынған барлық айыппұлдар сомасының шамамен 60 % құрады.

«Айыппұлдар Жол жүру ережесін бұзғаны үшін қарастырылатын жауапкершілікті қамтитын әкімшілік заңнама жүйесі бойынша салынған. Дегенмен, тұрғындар тарапынан айыппұлдарды міндетті түрде төлеу өз деңгейінде жүргізілмейтінін атап өткіміз келеді. Кейбір жағдайларда айыппұлдарды өндіру мәжбүрлі түрде жүргізілуде. Сондай-ақ, әртүрлі әдістерді қолдану мүмкіндігін ұсынатын заманауи онлайн-қызметтердің көмегімен де айыппұлдарды өндіру іске асырылуда» - деп хабарлайды Алматы облысы ІІД Баспасөз қызметі.

Темір тұлпар тізгіндеген тұлғалар ең көп жол беретін құқық бұзушылық - жүргізушілердің жылдамдық режимін сақтамауы, яғни, тәртіп сақшылары ҚР Әкімшілік құқық бұзушылық туралы кодексінің 592-бабының талабын бұзудың 74151 дерегін тіркеген.

Сонымен қатар, полицейлер әкімшілік айыппұлдарды алғашқы 7 тәулік ішінде төлеген жағдайда 50 пайыздық жеңілдік берілетіні туралы ескертеді.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021