Енді студенттер университетте төрт жыл оқымайды
![qamshy.kz, сурет - Zakon.kz жаңалық 16.10.2018 20:08](https://kaz.zakon.kz/pbi/WEBP/2023-12-20/file-0ac5c2ea-c0b9-4cec-b1eb-44586f62b731/800x452.webp)
Жаңа өзгеріс жоғары оқу орындарында келесі жылдан бастап енгізіледі.
Келесі оқу жылынан бастап колледж тәмамдаған студенттер жоғары оқу орнын 2-3 жыл ішінде бітіре алады. Бұл туралы білім және ғылым министрі Ерлан Сағадиев айтты, деп хабарлайды Sputnik Қазақстан тілшісі.
Бұған дейін бірқатар отандық БАҚ-та жоғары оқу орындарында оқу мерзімі қысқарады деген ақпарат тараған болатын.
"Ол тек колледж бітіргендерге ғана арналған. Жоғары оқу орындары колледждердің оқу бағдарламаларының кредиттерін есепке алса, енді төрт жыл оқымай, екі-үш жыл ішінде бітіруге болады", — деді министр үкімет кулуарында.
Сағадиев жаңа өзгеріс 2019 жылы, жаңа оқу жылында күшіне енетінін атап өтті.
"Қазір құжаттарды бекітіп, біртіндеп енгізетін боламыз", — деді ол.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript