Ақтауда әйел 9 жастағы ұлын өлтірді
![sputniknews.kz, сурет - Zakon.kz жаңалық 16.10.2018 22:15](https://kaz.zakon.kz/pbi/WEBP/2023-12-20/file-b0c7595a-8447-4350-9eed-9c86957e23e1/800x452.webp)
Әйелдің таныстарының айтуынша, ол баласын батареяға байлап, қылқындырып тастаған.
Ақтауда әйел адам тоғыз жастағы баласын өлтірді, деп хабарлайды sputniknews.kz, lada.kz-ке сілтеме жасап.
Басылым дереккөзге сілтеме жасап хабарлағандай, оқиға 14 қазанда 5-ші шағын аудандағы 3-үйде болған. Әйел адам тоғыз жасар ұлының қол-аяғын батареяға байлап, қылқындырып өлтірген. Ер бала №7 орта мектептің үшінші сыныбында оқиды екен.
"Күйеуімен айырылысып кеткен, бірақ әкесі баласымен жиі кездесіп тұратын. Соңғы екі айда өзін бір түрлі ұстап жүрді. Үнемі мектепке барып, ұрысысып қайтатын", — деп еске алады күдіктінің жақын таныстарының бірі.
Күдіктінің танысының сөзіне сүйенсек, полиция әйелді қылмыс орнында ұстапты. Ол айыбын толығымен мойындап, еш қарсылық көрсетпеген.
Төменгі сынып оқушыларының ата-аналарының айтуынша, №7 мектеп-лицейде мұндай хабар тараған жоқ. Мектеп директоры Гүлден Иманғалиеваның сөзіне жүгінсек, бүкіл қажетті мәлімет құқық қорғау органдарына берілген.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript