Алматы-Бішкек жолында көлік апатынан 21 адам зардап шекті 

Алматы облысы Алматы-Бішкек тас жолында ірі жол апаты болды, салдарынан 21 адам зардап шекті деп жазады sputniknews.kz.

Әлеуметтік желіде апаттың қорқынышты суреттері мен видеосы жарияланды. Көлік апаты күндіз болған сияқты, зардап шеккендердің көпшілігі ер адамдар. Қаскелеңге кірер жолда ірі кептеліс пайда болыпты.

Денсаулық сақтау басқармасының мәліметінше, ауруханаға 21 адам қаралды. Олардың алтауы ауруханаға жатқызылды, біреуі жансақтау бөлімінде.

"Жол апаты түс кезінде болған. Mercedes-Benz Sprinter мен автобус соқтығысып қалыпты", — деп хабарлайды Алматы облысы полиция департаментінің баспасөз хатшысы Көбейхан Нұрахмет.

Полиция мәліметі бойынша, автобустағылар зардап шекпепті. Микроавтобуста болған жолаушылар ауруханаға жатқызылды. Құрбандар жоқ.

Пайда болған кептеліс бірнеше сағатта тарқады, қозғалыс қалпына келтірілген.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021