Жаңбыр, қар және жел. Елімізде тұрақсыз ауа райы сақталады
akamaized.net
Қазақстанның басым бөлігінде атмосфералық фронттардың өтуіне байланысты тұрақсыз ауа райы сақталады, жауын-шашын жауады, тек оңтүстікте, оңтүстік-шығыста және еліміздің батыс қиырында жауын-шашынсыз ауа райы күтіледі. Бұл туралы zakon.kz, Қазгидромет берген ақпаратқа сілтеме жасап хабарлайды.
Кей жерлерде екпінді жел соғып, тұман, көктайғақ, солтүстік-шығыста жаяу бұрқасын сақталады.
Ақмола, Солтүстік Қазақстан, Павлодар облыстарының кей жерлерінде тұман, көктайғақ күтіледі, кей жерлерінде түнде жел 15-20 м/с күшейеді.
Қостанай, Қарағанды, Шығыс Қазақстан облыстарының кей жерлерінде тұман, көктайғақ болады, Қостанай, Шығыс Қазақстан облыстарының кей жерлерінде жел 15-20 м/с күшейіп, Қостанай облысында жаяу бұрқасын күтіледі.
Түркістан облысының кей жерлерінде күндіз жел 15-20 м/с күшейеді.
Жамбыл, Маңғыстау, Батыс Қазақстан облыстарында, түнде Атырау, Алматы облыстарының кей жерлерінде тұман күтіледі, Алматы облысының Жалаңашкөл ауданында күндіз жел 15-20 м/с күшейеді.
