Головкиннің жойқын нокауты 2018 жылдың үздігі деп танылды

Шетелдік басылымдардың бірі 2018 жылғы үздік нокауттарды жариялады.

Round 2 аргентиналық басылымы Твиттер желісінде 2018 жылғы кәсіби рингтегі ең қызықты сәттермен бөлісуде, деп хабарлайды sputniknews.kz.

Басылымның тілшілері 2018 жылдың ең есте қаларлық нокауттарын тізіп жатыр. Олардың қатарына танымал қазақстандық боксшы Геннадий Головкиннің (38-1-1, 34 КО) америкалық Ванес Мартиросянды (36-4-1, 21 КО) нокаутқа түсіруі енген.

"Осы жылдың үздік нокауттарын жариялауды жалғастырамыз. "Канеломен" бірінші кездесуінен кейін Геннадий Головкиннің Ванес Мартиросянға қарсы жекпе-жегі", — деп жазады Round 2.

​Естеріңізге сала кетсек, Головкин мамыр айында Мартиросянмен жұдырықтасып, екінші раундта нокаутқа түсірген еді.