Атырауда өмір бойы үйленбеген қария жұбайын қарттар үйінен тапты

egemen.kz

Қарттар үйінің басшысы Қилымқас Күзембаеваның сөзінше, бүгінгі таңда мекемеде 104 адам тұрып жатыр.

Атыраудағы 4 қария өзінің өмірлік серігін қарттар үйінен тауыпты. Солардың бірі – Сергей Сердюченко. Ол Наталья Родина есімді жұбайымен биыл қарттар үйінде табысыпты.

Бұл туралы «Ақ Жайық» газетіне сілтеме жасап Stan.kz хабарлайды.

Сергей Сердюченко мен Наталья Родина биыл жаңа жылды алғаш рет ерлі-зайыпты ретінде бірге қарсы алмақ. Қарияның сөзінше, ол өмір бойы үйленбеген екен. Соңғы уақыттарда тұратын жері болмағандықтан, қарттар үйіне келіпті.

«Бұған дейін достарымның таныстарымның үйлерін паналадым. Жасым үлкейген соң күзде қарттар үйіне барайын деп шештім. Мұнда Натальядай сұлуға жолықтым. Ол да кетәрі болмады. Алғаш рет отбасылық өмірді кешіп жатырмын. Бұйырса, 65-інші жаңа жылымды жұбайыммен бірге қарсы аламын», – дейді Сергей Николаевич

Қарттар үйінің басшысы Қилымқас Күзембаеваның сөзінше, бүгінгі таңда мекемеде 104 адам тұрып жатыр. Олардың ең кәрісі 102 жаста екен.

Оқи отырыңыз