Өскеменде заңсыз жұмыс істеп жүрген тәжік азаматтары анықталды

Өскеменде заңсыз жұмыс істеп жүрген екі тәжік азаматы жауапқа тартылды. Олардың «қожайыны» 50 АЕК көлемінде айыппұл төлейді, деп хабарлайды Алтайньюс тілшісі.

Тәртіп сақшылары бұндай заң бұзушылықты «Мигрант» жедел-алдын алу іс-шарасы кезінде анықтады.

ШҚО Полиция департаментінің баспасөз қызметі мәлімдегендей, бизнесменге ҚР Әкімшілік кодексінің 519 бабы 1 тармағы бойынша 50 АЕК көлемінде айыппұл салынды. Ал жұмыс іздеп келген қонақтар үйіне қайтарылды.

Жалпы айта кетер болсақ, бес күн ішінде полицейлер шетелдік жұмыс күшін тарту бойынша ереже бұзудың 11 фактісін анықтап, 86 қазақстандықты айыпты деп таныды. ҚР аумағында болу ережелерін бұзғаны үшін 514 шетелдік әкімшілік жауапкершілікке тартылып, оның 36-сы елден тыс жерлерге жіберілсе, қалған 310 шетел азаматының уақытша болу мерзімі қысқартылды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021