Нан бағасы қымбаттай ма - министр пікірі

Бүгін Үкімет үйіндегі баспасөз мәслихатында ҚР Ауыл шаруашылығы министрі Сапархан Омаров нан бағасына қатысты пікір білдірді, деп хабарлайды ҚазАқпарат тілшісі.

"Қазіргі уақытта астық бағасы да айтарлықтай қымбаттап жатқан жоқ. Сондықтан нан бағасы шарықтап көтеріледі деген әңгіменің негізі жоқ. Бізде екі түрі, жоғары сұрыпты ұннан және бірінші сұрыпты ұннан жасалатын нан бар. Жоғары сұрыпты ұннан жасалған нанның бағасы көтеркіңкі, 130-140 теңгені құрайды. Ал бірінші сұрыпты ұннан жасалатын нанның бағасы 75-тен 78 теңгеге дейін. Халықтың негізгі тұтынатын наны осы бірінші сұрыпты ұннан пісіріледі", - деді министр.

Осы орайда ол жоғары сұрыпты ұннан жасалатын нанның бағасы неге жоғары екендігін айтты.

"Нан шығаратын кәсіпорындардың экономикасына да қарауымыз керек. Олар бірінші сұрыпты ұннан пісірілетін нанның бағасын ұстап тұру үшін жоғары сұрыпты ұннан пісірілген наннан пайда алуы керек. Ал негізінен халық тұтынатын нанның бағасы қымбаттап жатқан жоқ", - деді Сапархан Омаров.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021