Бас прокуратура Қожамжаровқа қатысты тергеу жүріп жатыр деген ақпаратты қауесет деп атады

Sputnik Казахстан

Әлеуметтік желіде бақылау ведомствосының бұрынғы басшысының командасының бірқатар мүшелеріне қатысты тексеріс шаралары жүріп жатыр деген ақпарат тарады.

Бас прокурордың орынбасары Марат Ахметжанов бақылау органының бұрынғы басшысы Қайрат Қожамжаров пен оның командасының кейбір мүшелеріне қатысты тергеу шараларының жүріп жатқанын жоққа шығарды, деп хабарлайды Zakon.kz тілшісі.

Кеше әлеуметтік желілер мен мессенджерлерде бақылау ведомствосының бұрынғы басшысының командасының бірқатар мүшелеріне қатысты тексеріс шаралары жүріп жатыр деген ақпарат тарады. Ал Қожамжаровтың өзіне Қазақстан аумағынан шығуға рұқсат берілмегені айтылған.

- Бұл туралы ешқандай ақпарат жоқ, БСТР ешқандай іс тіркелген жоқ, мұндай деректер тіркелмеді. Ресми түрде еш жерде болған емес. Бұның барлығы тек қауесет. БСТР жоқ болса, қалайша тексеріс жүргізілмек? Егер сот алды тергеу тіркелмеген болса, ешқандай тексеріс жұмыстары жүргізілмейді, - деді Ахметжанов.

Оқи отырыңыз