Президент кеңесшісі – Бауыржан Омаров деген кім

Президент өзіне жаңа кеңесші тағайындады.

Мемлекет басшысының бұйрығымен Омаров Бауыржан Жұмаханұлы Қазақстан Республикасы Президентінің кеңесшісі болып тағайындалды, деп хабарлайды Zakon.kz Ақордаға сілтеме жасап.

Бауыржан Омаров 1962 жылдың 1 мамырында Қызылорда облысының Қаратерең ауылында дүниеге келген.

Білімі, мамандығы:

С.М.Киров атындағы Қазақ мемлекеттік университеті (1986); Журналист;

Мәскеу мемлекеттік бизнес және ақпараттық технологиялар университеті (1998);

Т.Рысқұлов атындағы Қазақ экономикалық университеті (2006), Экономист

Еңбек жолы:

"Аралрыбпром" жұмысшысы (1979);

"Лениншіл жас" ("Жас алаш") газетінде суретші-ретушер, тілші, аудармашы, аға тілші, бөлім меңгерушісі (1986-1994);

Қазақ мемлекеттік университетінің аға оқытушысы (1994-1996);

Қызылорда гуманитарлық университетінің проректоры (1996-1997);

Қызылорда әкімінің орынбасары – Қызылорда арнайы экономикалық аймақ әкімшілік кеңесі төрағасының орынбасары (1997-1998);

Доцент, Қазақ мемлекеттік университетінің аға ғылыми қызметкері (1998-2000);

Қазақстан Ғылым академиясы Әдебиет және өнер институтының аға ғылыми қызметкері, бөлім меңгерушісі (2000-2003);

"Қайнар" университетінің профессоры (2001-2002);

Қазақ мемлекеттік университетінің профессоры (2002-2003);

Мәдениет министрлігінің Тілдерді дамыту департаментінің директоры (10.2004 бастап – Мәдениет, ақпарат және спорт министрлігі) (12.2003-02.2005);

ҚР Мәдениет, ақпарат және спорт министрлігінің Тілдер комитетінің төрағасы (02.2005-03.2006);

"Литер-медиа" ЖШС атқарушы директоры;

"Хабар" арнасындағы "Жеті күн" бағдарламасының жүргізушісі;

"Айқын" газетінің бас редакторы;

Мәдениет және ақпарат министрлігінің Ақпарат және мұрағат комитетінің төрағасы (05.2009-03.2010);

ҚР Ақпарат министрлігінің Тілдер жөніндегі комитеті төрағасы (04.2010-07.2011);

ҚР Президентінің баспасөз қызметі секторының меңгерушісі;

ҚР Президенті баспасөз хатшысының орынбасары (01.2013 бастап)