Алматыда көпірге плакат ілген суретші айыппұл арқалады
pavlodarnews.kz
Алматылық суретші Роман Захаровқа 5 АЕК көлемінде айыппұл салынды, деп хабарлайды Zakon.kz.
Кеше әлеуметтік желілерде Алматыдағы Әл-Фараби даңғылында ҚР Конституциясының заңы жазылған плакатты ілгені үшін Роман Захаровтың ұсталғаны жайлы ақпарат тараған болатын.
сурет әлеуметтік желіден алынды
Алматы полициясы аталған дерекке қатысты мынадай ақпар берді:
- 29 сәуір күні таңғы сағат 6-да Жедел басқару орталығына азаматтар қоңырау шалып, белгісіз ер адамның Әл-Фараби мен Достық даңғылдарының қиылысында қағаз, қоқыс және басқа да заттарды лақтырып, қоғамдық тәртіпті бұзғандығын хабарлады.
Аталған орынға ЖПП экипажы келеді.
- Ер адам қиқарланып, өзінің заңбұзушылық әрекетін тоқтатудан бас тартқан.
Ол аудандық БП жеткізілді.
Нәтижесінде Әкімшілік соттың қаулысымен Захаров әкімшілік кодекстің 434 бабының 1 - ұсақ бұзақылық бөліміне сәйкес айыпты деп танылып, оны бес тәулікке қамауға алу туралы үкім шықты.
Арадан бірнеше сағат өткен соң - кешқұрым, Алматының қалалық сотында аталған іс бойынша апелляциялық тыңдалым өтті. Прокурордың өтініші бойынша Захаровтың жазасы жеңілдетілді. Қамауға алу жазасының орнына оған 5 АЕК көлемінде, яғни 12 626 теңге айппұл салынды.
